作词 : rascal/tat
作曲 : Sourze Music
03.門徒（Beat by：Sourze Music）
rascal：
一個決定，足以摧毁我一生
講真，我嘅內心話畀我知，我帶錯咗你出身
我生性唔係多疑，只係做事謹慎小心
冇諗過同你一言一行，都令我引火燒身
冇錯！講嘅就係你將我出賣
好比耶穌十二門徒之一嘅猶大
好樣，醜樣，樣樣精通，統統交畀你玩曬
唯一嘅目的，無非要做我逼我折埋
從來唔覺得我做嘅呢場買賣我有錯
金錢至上嘅世界，最緊要係我有貨
物欲橫流嘅社會，後生顧住尋歡作樂
我冇逼過佢地，貪圖快樂而自甘墮落
今時今日我屹立不倒，全靠自己打拼出嚟
並非一朝一夕可以混跡到，呢個地位
有邊個出身寒微甘心做地底泥？
我發誓要往上爬，唔再畀任何人睇低
當初選擇去做，我就預咗冇得返轉頭
人地一副武裝，隻身異地我只得拳頭
為咗生存，釜底抽薪盡抵一鋪
我永遠記得為咗救我，你擋過一刀
我只係需要一啲時間，撫平被衝擊嘅心靈
求你再畀啲時間我做決定，我好冷靜
劃破動脈一刻我終於感到一片安寧
從此你我師徒關係斷絕，恩怨清零
tat：
我嘅教父，多謝你帶我出身
但係你要知道，點解我會出現喺你人生
由識我，第一日，已經係，一個局
為求得到你信任，
自我洗腦天旋地轉多重角色比毒更可怕
你話有市場，就要有供應
你話我地冇逼人，我怕有報應
做兩單，可以收手
一疊一疊金牛，一世都唔洗憂
有諗過，唔要身份從此遠走
但係點解我要返轉頭？
我嘅目的唔係要紮職，
我嘅使命係要去打擊。
跟咗你咁耐，我唔想你死
我係你支針，要將你集團連根拔起
就算你未得到法律制裁，你已經承受報應
師傅，呢個結局早已註定，係我嘅宿命
師傅，呢個結局早已註定，係我嘅宿命