༄༅།། ཕེབས་ཨང་།སློབ་གྲོགས།
ཚིག་གདངས། གྲ་ནང་བསྟན་པ་ཚེ་རིང་།
གཞས་པ། གྲ་ནང་བསྟན་པ་ཚེ་རིང་།
* * * * * * * *
ཟླ་དྲུག་པའི་ཕོ་ཉ་ང་ཚོའི་གམ་དུ་སླེབས་སོང་།
ཟླ་དྲུག་པའི་ཕོ་ཉས་ང་ཚོའི་ལས་དབང་འཕྲོག་སོང་།
རང་སོ་སོའི་མདུན་ལམ་རླབ་ཆེན་ཕུགས་བསམ་ཆེད་དུ།
ངའི་སློབ་གྲོགས་ལྷན་རྒྱས་སོ་སོར་བྲལ་དགོས་བྱུང་སོང་།
སྔོན་ཆད་བཤིབ་དུས་ཕར་རོགས་ཚུར་རོགས་མ་བྱུང་།
ད་ཆ་བྲལ་དུས་སྐྱོ་གདུང་གི་མིག་ཆུ་ཤོར་བྱུང་།
ག་ལེ་ཕེབས་ཨང་། ངའི་སློབ་གྲོགས།
རྗེས་སུ་མཇལ་ཡོང་། ངའི་སློབ་གྲོགས།
མ་འོངས་སྐུ་གཟུགས་ཐུགས་བཅག་གནང་རོགས།
* * * * * * * *
ཁྱེད་ཀྱིས་བོད་གཞས་གསན་པར་ཐུགས་རྗེ་ཆེ་ཞུ།
* * * * * * * *
སྔོན་མཉམ་འཛོམས་དུས་ལ་བདེ་སྐྱིད་ཚོར་སྣང་མ་ཤེས།
དུས་ད་ཆ་བྲལ་དུས་སྐྱོ་གདུང་མིག་ཆུ་ཤོར་བྱུང་།
སྔོན་སློབ་ཁང་གཅིག་ནང་མཐུན་སྒྲིལ་རྣམ་པ་དྲན་བྱུང་།
ཡང་ཉལ་ཁང་གཅིག་ནང་བྲལ་མེད་ལ་རྒྱ་དྲན་བྱུང་།
ད་ཆ་བྲལ་དུས་དྲན་རྟེན་ལག་རྟགས་སྤྲད་དུས།
སྔར་སོང་དྲན་བཞིན་སྐྱོ་སྣང་མིག་ཆུ་ཤོར་བྱུང་།
ག་ལེ་ཕེབས་ཨང་། ངའི་སློབ་གྲོགས།
མ་བརྗེད་གནང་རོགས། ངའི་སློབ་གྲོགས།
སླར་ཡང་མཇལ་བའི་སྨོན་ལམ་བསྐྱོན་རོགས།
ད་ཆ་བྲལ་དུས་དྲན་རྟེན་ལག་རྟགས་སྤྲད་དུས།
སྔར་སོང་དྲན་བཞིན་སྐྱོ་སྣང་མིག་ཆུ་ཤོར་བྱུང་།
ག་ལེ་ཕེབས་ཨང་། ངའི་སློབ་གྲོགས།
མ་བརྗེད་གནང་རོགས། ངའི་སློབ་གྲོགས།
སླར་ཡང་མཇལ་བའི་སྨོན་ལམ་བསྐྱོན་རོགས།
ག་ལེ་ཕེབས་ཨང་། ངའི་སློབ་གྲོགས།
མ་བརྗེད་གནང་རོགས། ངའི་སློབ་གྲོགས།
སླར་ཡང་མཇལ་བའི་སྨོན་ལམ་བསྐྱོན་རོགས།
གཞས་ཚིག་མཁོ་འདོན། གྲ་ནང་བསྟན་པ་ཚེ་རིང་།